ڈیرہ غازی خان بیوروچیف چوھدری احمد ڈیلی جستجو )
ڈاکو ہنڈا 125 (ماڈل 2025) اور سی ڈی موٹر سائیکل (ماڈل 2024) چھین کر پچادھ کی سمت فرار، پولیس موقع پر پہنچ گئی
یارو کھوسہ میں ڈکیتی کی ایک اور واردات سامنے آ گئی جہاں مبین ولد عمر اور دانو۔کرمانی جبکہ ابراہیم معذور بھی ساتھ تھے کرمانی برادری سے دو نقاب پوش ڈاکوؤں نے اسلحہ کے زور پر موٹرسائیکل چھین لی اور فرار ہو گئے۔ واقعہ ڈوکو مسجد لیاقت مہاجر والی گلی میں پیش آیا جو تھانہ کوٹ مبارک کی حدود میں آتا ہے۔
تفصیلات کے مطابق ڈاکوؤں نے ہنڈا 125 موٹرسائیکل (ماڈل 2025) اور سی ڈی موٹر سائیکل (ماڈل 2024) چھینی اور جاتے ہوئے اپنا موٹرسائیکل موقع پر چھوڑ گئے۔ واردات کے فوراً بعد متاثرہ شہریوں نے 15 پر کال کی جس پر پولیس موقع پر پہنچ گئی جبکہ ملزمان پچادھ کی سمت فرار ہونے میں کامیاب ہو گئے۔
عینی شاہدین کے مطابق ڈاکو پیچھے سے تعاقب کرتے آئے تھے اور امکان ظاہر کیا جا رہا ہے کہ ملزمان کئی دنوں سے دانو کرمانی کی روزمرہ نقل و حرکت پر نظر رکھے ہوئے تھے کیونکہ وہ روزانہ دکان بند کرنے کے بعد مقررہ وقت پر گھر جاتے تھے۔
پولیس نے چھوڑا گیا موٹرسائیکل قبضے میں لے کر تحقیقات شروع کر دی ہیں جبکہ ملزمان کی تلاش کے لیے علاقے میں ناکہ بندی اور سرچ آپریشن جاری ہے۔ شہریوں نے پولیس سے مطالبہ کیا ہے کہ واردات میں ملوث عناصر کو جلد گرفتار کر کے امن و امان کی صورتحال بہتر بنائی جائے۔
