اسسٹنٹ کمشنر عمرکوٹ کی زیرِ صدارت ریونیو امور سے متعلق اہم اجلاس

عمرکوٹ سندھ (بیوروچیف زیب بنگلانی)
اسسٹنٹ کمشنر عمرکوٹ رجب علی سٹھیو نے مختیارکار ریونیو عمرکوٹ ابرار احمد داؤدپوٹو کے ہمراہ عمرکوٹ کے تمام تپیداروں کے ایک اہم اجلاس کی صدارت کی، جس میں ریونیو ریکارڈ کی دوبارہ تحریر (Re-writing) اور دیگر ریونیو معاملات پر تفصیلی غور و خوض کیا گیا۔
اجلاس کے دوران تفویض کردہ کاموں کی بروقت اور تیز رفتار تکمیل، ریونیو ریکارڈ کی درست اور مؤثر نگہداشت، نیز فیلڈ سطح پر کارکردگی اور باہمی رابطوں کو مزید بہتر بنانے پر زور دیا گیا۔
اس موقع پر اسسٹنٹ کمشنر اور مختیارکار نے متعلقہ افسران و اہلکاروں کو ہدایت کی کہ زیرِ التوا تمام امور مقررہ مدت کے اندر مکمل کیے جائیں اور سرکاری فرائض کی انجام دہی کے دوران شفافیت، انتظامی نظم و ضبط اور اعلیٰ کارکردگی کو یقینی بنایا جائے۔
اجلاس میں ریونیو محکمے کی مجموعی کارکردگی کو مزید مؤثر اور بہتر بنانے کے لیے مختلف تجاویز اور اقدامات پر بھی غور کیا گیا۔