پنجاب حکومت نے پنجاب انفورسمنٹ اینڈ ریگولیٹری اتھارٹی کے ملازمین کے لیے خصوصی ماہانہ الاؤنس کی منظوری دے دی۔
سرکاری نوٹیفکیشن کے مطابق گریڈ 20 کے افسران کو 150,000 روپے، گریڈ 19 کے افسران کو 125,000 روپے اور گریڈ 18 کے افسران کو 100,000 روپے ماہانہ الاؤنس دیا جائے گا۔
گریڈ 17 کے افسران کو 75 ہزار روپے ماہانہ ملیں گے جبکہ گریڈ 16 سے گریڈ 7 کے ملازمین کو 20 ہزار سے 50 ہزار روپے تک الاؤنس دیا جائے گا۔
نوٹیفکیشن میں واضح کیا گیا کہ یہ خصوصی الاؤنس پاکستان ایڈمنسٹریٹو سروس، پولیس سروس آف پاکستان اور پراونشل مینجمنٹ سروس کے افسران پر لاگو نہیں ہوگا۔
تجاوزات کی روک تھام اور قیمتوں پر موثر کنٹرول کو یقینی بنانے کے لیے پنجاب بھر میں PERA قائم کیا گیا ہے۔ اس الاؤنس کے لیے فنڈز اتھارٹی کے موجودہ بجٹ سے فراہم کیے جائیں گے۔
افسران کے مطابق اس فیصلے کا مقصد PARA کی آپریشنل کارکردگی کو بہتر بنانا اور صوبے میں قواعد و ضوابط کو نافذ کرنے کی صلاحیت کو مضبوط بنانا ہے۔
