ڈپٹی کمشنر صبا اصغر علی نے کہا ہے کہ حکومت پنجاب کی جانب سے کرسمس مسیحیوں کی عبادت گاہوں پر چراغاں اور واشنگ کے خصوصی انتظامات کئے گئے ہیں

سیالکوٹ 23 دسمبر 2024:ـ ڈپٹی کمشنر صبا اصغر علی نے کہا ہے کہ حکومت پنجاب کی جانب سے کرسمس مسیحیوں کی عبادت گاہوں پر چراغاں اور واشنگ کے خصوصی انتظامات کئے گئے ہیں جبکہ کرسمس بازار بھی قائم کر دیئے گئے جہاں پر آٹے سمیت دیگر اشیائے ضروریہ رعایتی داموں فراہم کہ جارہی ہیں۔ انہوں نے یہ بات آج جناح ہال قلعہ میں ایس ڈبلیو ایم سی کے ورکرز کے ہمراہ کرسمس کیک کاٹنے کی تقریب سے خطاب کرتے ہوئے بتائی۔ سی او میونسپل کارپوریشن زبیر وٹو، ایم ڈی ایس ڈبلیو ایم کاشف نواز رندھاوا سمیت مسیحی رہنماؤں نے بھی خصوصی شرکت کی۔
ڈپٹی کمشنر صبا اصغر علی نے کہا کہ کرسمس پر صفائی ستھرائی اور سیکیورٹی کے خصوصی انتظامات کئے گئے ہیں۔ انہوں نے مسیحیوں کو کرسمس کی مبارک دیتے ہوئے نیک تمناؤں کا اظہار کرتے ہوئے کہا کہ قائد اعظم کے پاکستان میں تمام مزاہب کو مساوی شہری حقوق حاصل ہیں ، تمام مزاہب کے لوگ اپنے عقیدے کے مطابق زندگی بسر کیلئے مکمل طور پر آزاد ہیں۔ انہوں نے کہا کہ مسیحیوں کی خدمات قابل تعریف ہیں اور یہ پاکستان کی ترقی اور خوشحالی میں اپنا موثر کردار ادا کررہے ہیں۔
ناصر چوہدری سیالکوٹ