عمرکوٹ سندھ (بیوروچیف زیب بنگلانی) پریس کلب عُمرکوٹ کے ہال میں سندھ اسمبلی کے سینیئر اسپیشل سیکریٹری حاجی میاں محمد حسن شاہ کی 46ویں سالگرہ کے موقع پر ایک باوقار اور شاندار تقریب منعقد کی گئی۔تقریب کا اہتمام رحیمدانی کرکٹ اکیڈمی کی جانب سے کیا گیا تها، جس میں مختلف شعبۂ ہائے زندگی سے تعلق رکھنے والی معزز شخصیات، صحافیوں، سماجی رہنماؤں اور نوجوانوں نے بھرپور شرکت کی۔ تقریب میں رحیمدانی کرکٹ اکیڈمی کے روحِ رواں اور پریس کلب عمرکوٹ کی مینجمنٹ کمیٹی کے چیئرمین رسول بخش رحیمدانی، ن لیگ ضلع عمرکوٹ کے سینیئر وائس پریزیڈنٹ سید صفدر حسین شاھ، سید شاھجہان، مخدوم شاہ قاسمانی، انٹرنیشنل روٹری کلب امرانو کے صدر محمد زمان کھوسو، معروف تاجر سیٹھ دھرمداس نربھانی، خاصخیلی نوجوان اتحاد کے رہنما عادل حسین رحیمدانی، سماجی رہنما و سینیئر صحافی ممتاز آریسر، سینیئر صحافی ولی خان پٹھان، سیف اللہ منگریو، غلام مصطفیٰ مہر، زاہد احمد خان، نوجوان صحافی سجاد علی شیخ، اشوک کمار درڑا، وقاص یوسفزئی، مدن گوپال، سوائی مل رکھیسر، سورج کمار مالھی، نوجوان سوشل ایکٹوسٹ الفقراء محمد الرحیم مہر، فقیر یاسر سمیت دیگر معززین شریک ہوئے۔ اس موقع پر کیک کاٹا گیا اور مہمانوں کو رحیمدانی کرکٹ اکیڈمی کے صدر رسول بخش رحیمدانی کی جانب سے اجرک کے تحائف پیش کیے گئے۔ تقریب سے خطاب کرتے ہوئے رسول بخش رحیمدانی نے کہا کہ حاجی میاں محمد حسن شاہ عوامی خدمت کے جذبے سے سرشار، غریب اور دکھی انسانیت کے حقیقی خادم ہیں، جو ہر مشکل گھڑی میں عوام کے شانہ بشانہ نظر آتے ہیں۔انہوں نے کہا کہ حاجی میاں محمد حسن شاہ کی قیادت میں نوجوانوں کی ایک متحرک ٹیم عوامی خدمت میں مصروفِ عمل ہے، جو ان کے احکامات پر دیانتداری سے فرائض انجام دیتی ہے۔ انٹرنیشنل روٹری کلب امرانو کے صدر محمد زمان کھوسو اور ن لیگ ضلع عمرکوٹ کے سینیئر وائیس پریزیڈنٹ سید صفدر حسین شاہ نے اپنے خیالات کا اظہار کرتے ہوئے کہا کہ حاجی میاں محمد حسن شاہ کسی تعارف کے محتاج نہیں، ایک بہترین بیوروکریٹ ہونے کے ساتھ ساتھ وہ مخلص، سچے انسان اور غریبوں کے ہمدرد ہیں، جنہوں نے سندھ بھر میں خدمتِ خلق کے حوالے سے نمایاں مقام حاصل کیا ہے۔ تقریب سے مخدوم شاہ قاسمانی، سیٹھ دھرمداس نربھانی اور عادل حسین رحیمدانی سمیت دیگر مقررین نے بھی خطاب کیا اور کہا کہ حاجی میاں محمد حسن شاہ کی شخصیت خدمت، خلوص اور حب الوطنی کی روشن مثال ہے، جو نوجوانوں کی سرپرستی اور مثبت سرگرمیوں کے فروغ کو اپنا مشن سمجھتے ہیں۔ آخر میں ملک کی سلامتی، عوام کی خوشحالی اور ترقی کے لیے خصوصی دعا کی گئی۔ بعدازاں رسول بخش رحیمدانی نے تقریب میں شرکت کرنے والے صحافیوں، معزز شہریوں اور تاجر برادری کا شکریہ ادا کرتے ہوئے حاجی میاں محمد حسن شاہ کی درازیٔ عمر اور مزید کامیابیوں کے لیے نیک تمناؤں کا اظہار کیا۔
