5 فروری کو مری جی پی او چوک میں کشمیری عوام سے اظہارِ یکجہتی کے لیے انسانی ہاتھوں کی زنجیر بنائی جائے گی
کوٹلی ستیاں (راشد محمود ستی) پاکستان پیپلز پارٹی ضلع مری کے زیرِ اہتمام یومِ یکجہتیٔ کشمیر کے موقع پر ایک تقریب کا انعقاد کیا جا رہا ہے جس کا مقصد کشمیری عوام کے ساتھ بھرپور اظہارِ یکجہتی کرنا ہے، یہ تقریب 5 فروری بروز جمعرات دن 1 بجے مری جی پی او چوک میں منعقد ہوگی، اس موقع پر پارٹی کے تمام عہدہ داران، ذمہ داران اور کارکنان تحصیل مری اور تحصیل کوٹلی ستیاں سے شرکت کریں گے اور کشمیری عوام سے یکجہتی کے اظہار کے لیے انسانی ہاتھوں کی زنجیر بنائی جائے گی، پاکستان پیپلز پارٹی ضلع مری کے صدر عبدالجبار ستی اور جنرل سیکرٹری ثاقب عباسی نے تمام جیالوں اور عوام سے اپیل کی ہے کہ وہ بروقت شرکت کر کے کشمیری بھائیوں کے ساتھ یکجہتی کا عملی مظاہرہ کریں۔
