ایران کا سعودیہ میں امریکی بیس پر حملہ، پاسداران انقلاب نے آپریشن وعدہ صادق کی 84ویں لہر کے دوران دعویٰ کیا۔ ایرانی میڈیا کے مطابق، اس کارروائی میں الخرج بیس میں موجود امریکی ایندھن بھرنے والی گاڑیاں اور لاجسٹک سپورٹ بیڑے کو نشانہ بنایا گیا۔
پاسداران انقلاب کے مطابق، ان کی ایرو اسپیس فورس نے بحری مدد کے ساتھ مشترکہ میزائل اور ڈرون حملہ کیا۔ کارروائی کا مقصد دشمن کے ایئربیس پر قابو پانا اور خطے میں جارحیت کے لیے استعمال ہونے والے وسائل کو تباہ کرنا تھا۔
بیان میں کہا گیا کہ ٹھوس اور مائع ایندھن والے میزائلوں کے ساتھ ساتھ کئی معاون اور ایندھن بھرنے والے جہاز تباہ یا شدید نقصان کا شکار ہوئے۔ دشمن کے اینٹی میزائل دفاعی نظام بھی اس آپریشن میں ناکارہ بنایا گیا۔
یہ کارروائی اسلامی جمہوریہ ایران کے نشریاتی ادارے کے شہدا اور مخلص کارکنوں کے نام منسوب کی گئی۔ پاسداران انقلاب نے کہا کہ یہ آپریشن ان کی فوجی صلاحیتوں میں اضافے اور خطے میں اثر و رسوخ کو ظاہر کرتا ہے۔
