لورالائی(نیوز ڈیسک)کوئٹہ قومی شاہراہ پر نگانگہ کے مقام پر افسوسناک ٹریفک حادثہ پیش آیا، جہاں تیز رفتار گاڑی بے قابو ہو کر الٹ گئی۔
حادثے کے نتیجے میں ایک خاتون اور بچوں سمیت 5 افراد موقع پر ہی جاں بحق ہو گئے
لیویز ذرائع کے مطابق گاڑی تیز رفتاری کے باعث قابو سے باہر ہو کر سڑک سے نیچے جا گری۔
حادثے کی اطلاع ملتے ہی مقامی افراد اور ریسکیو ٹیمیں فوری طور پر جائے وقوعہ پر پہنچ گئیں۔
لیویز اہلکاروں اور مقامی لوگوں نے جاں بحق افراد کی لاشیں نکال کر قریبی ہسپتال منتقل کر دیں، جبکہ انتظامیہ نے واقعے کی تحقیقات شروع کر دی ہیں۔
لیویز ذرائع کے مطابق جاں بحق افراد کی شناخت کا عمل جاری ہے۔
