ممبئی: بھارتی فلم انڈسٹری کے سینئر اداکار اور ہدایت کار ای اے راجندرن 71 برس کی عمر میں ممبئی میں انتقال کر گئے۔
بھارتی میڈیا کے مطابق ای اے راجندرن گزشتہ چند ماہ سے علیل تھے اور جمعرات کو انتقال کر گئے۔ ان کی آخری رسومات جمعہ کو ان کے آبائی علاقے تریتھالور میں ادا کی جائیں گی۔
ای اے راجندرن کا تعلق ایک معروف فنکار گھرانے سے تھا۔ وہ اداکار مکیش کے بہنوئی اور معروف تھیٹر ڈائریکٹر او مادھاون کے داماد تھے۔ اس نے او مادھاون کی بیٹی اور مکیش کی بہن سندھیا سے شادی کی اور کولم میں سکونت اختیار کی۔
راجندرن نے اپنے فلمی کریئر کا آغاز 1981 میں فلم ’’گرش مین‘‘ سے کیا۔ انہوں نے پانچ دہائیوں پر محیط کیریئر میں 50 سے زائد فلموں میں اداکاری کے جوہر دکھائے۔ ان کی آخری فلم “اورو پرم کلیاتم” 2023 میں ریلیز ہوئی تھی۔
