اسٹیشن روڈ کے رہائشی 25 سالہ نوجوان ساجد شیخ بجلی کے مرمتی کام کے دوران 11 ہزار وولٹ کی ہائی ٹینشن تار سے کرنٹ لگنے کے باعث جاں بحق

جیکب آباد: ( نامه نگار)اسٹیشن روڈ کے رہائشی 25 سالہ نوجوان ساجد شیخ بجلی کے مرمتی کام کے دوران 11 ہزار وولٹ کی ہائی ٹینشن تار سے کرنٹ لگنے کے باعث جاں بحق ہو گئے، ذرائع کے مطابق وہ اپنے علاقے میں بجلی کی مرمت کا کام کر رہے تھے کہ اچانک تیز وولٹیج کرنٹ لگنے سے شدید زخمی ہو گئے، جنہیں فوری طور پر قریبی اسپتال منتقل کیا گیا تاہم وہ جانبر نہ ہو سکے، واقعے کے بعد علاقے میں سوگ کی فضا چھا گئی جبکہ اہل خانہ کا رو رو کر برا حال ہے، مقامی افراد نے متعلقہ حکام سے مطالبہ کیا ہے کہ بجلی کے کام کے دوران حفاظتی اقدامات کو یقینی بنایا جائے تاکہ ایسے افسوسناک واقعات سے بچا جا سکے۔