جیکب آباد میں صحافیوں کو درپیش مسائل کے حوالے سے اجلاس

جیکب آباد ( رپورٹ:اے جی بلوچ ) جیکب آباد میں صحافیوں کو درپیش مسائل کے حوالے سے اجلاس پی ایف یو جے ورکر کے پانچ رکنی آرگنائزنگ کمیٹی اراکین کا اعلان رپورٹ کے مطابق جیکب آباد میں صحافی برادری کو درپیش مسائل کے حوالے سے اے ایس حفیظ جتوئی کی زیر صدارت اجلاس منعقد ہوا ۔ اجلاس میں بڑی تعداد میں نوجوان صحافیوں نے شرکت کی ۔ اجلاس سے خطاب کرتے ہوئے سینیئر صحافی عبدالرحمن آفریدی نے کہا کہ جیکب آباد میں نوجوان صحافیوں کو بے شمار مسائل درپیش ہیں صحافی برادری کے بنیادی انسانی حقوق سمیت ان کو درپیش مسائل کے حل کے لیے صحافیوں کا اتحاد وقت کی اہم ضرورت ہے صحافی برادری کو چاہیے کہ وہ اپنے تمام آپس کے اختلافات کو بھلا کر صحافیوں کے اجتماعی مفادات سمیت درپیش مسائل کے حل کے لیے جدوجہد کریں اجلاس کے دوران پاکستان فیڈرل یونین آف جرنلسٹ ورکر جیکب آباد کے لیے متفقہ رائے سے سینیئر صحافی عبدالرحمن آفریدی محمد علی سرہیو اے ایس حفیظ جتوئی غلام حسین مستوئی اور نثار احمد گورگیج پر مشتمل پانچ رکنی آرگنائزنگ کمیٹی اراکین کے ناموں کا اعلان کیا گیا۔