پچھلے 4 سال کی سب سے بہترین معاشی ترقی، تجارتی غیر یقینی کے بعد پھر سیلاب آیا، مارچ میں خطے میں عدم استحکام ہوا، لیکن ہم تمام چیلجنز سے درست طریقے سے نبردآزما ہوئے؛ محمد اورنگزیب کی پریس کانفرنس
اسلام آباد: وفاقی وزیرِ خزانہ محمد اورنگزیب نے اقتصادی سروے پیش کرتے ہوئے کہا ہے کہ ملکی معیشت میں استحکام کے آثار نمایاں ہوئے ہیں، مہنگائی کی شرح میں بتدریج کمی آئی ہے جبکہ مالی سال کے دوران مجموعی قومی شرحِ نمو (GDP Growth Rate) 3.7 فیصد تک پہنچ گئی ہے۔
وزیرِ خزانہ کے مطابق:
- افراطِ زر (مہنگائی) میں نمایاں کمی ریکارڈ کی گئی۔
- زرِ مبادلہ کے ذخائر اور مالیاتی اشاریوں میں بہتری آئی۔
- زراعت، صنعت اور خدمات کے شعبوں نے معاشی سرگرمیوں میں کردار ادا کیا۔
- حکومت نے مالی نظم و ضبط اور اصلاحات کے ذریعے معاشی استحکام حاصل کیا۔
- آئندہ مالی سال میں مزید ترقی اور سرمایہ کاری کے مواقع پیدا کرنے پر توجہ دی جائے گی۔
حکومت کا مؤقف ہے کہ معاشی اشاریوں میں بہتری سے عوام کو ریلیف ملے گا، جبکہ اپوزیشن جماعتیں ان اعداد و شمار کے حقیقی اثرات کو عوامی زندگی میں نظر آنے سے مشروط قرار دے رہی ہیں۔
