ملک بھر میں بجلی کی لوڈشیڈنگ کا دوبارہ آغاز دیہی علاقوں میں صورتحال سنگین

غیر اعلانیہ بندش کے باعث پانی کی فراہمی تعلیم اور چھوٹے کاروبار شدید متاثر ہو رہے ہیں
پاکپتن(ڈسٹرکٹ بیورو چیف)تفصیلات کے مطابق پاکپتن کی عظیم سماجی شخصیت قاری خواجہ فیض فرید پیرزادہ نے موجودہ ملکی صورتحال کے پیشِ نظر کہا کہ ملک بھر میں ایک بار پھر بجلی کی لوڈشیڈنگ شروع ہو گئی ہے۔جس سے شہریوں کو شدید مشکلات کا سامنا ہے۔انہوں نے کہا کہ خاص طور پر دیہی علاقوں میں صورتحال زیادہ خراب ہے جہاں کئی کئی گھنٹے بجلی غائب رہنے لگی ہے۔رانا قیصر جنید نے کہا کہ طویل لوڈشیڈنگ کے باعث معمولاتِ زندگی بری طرح متاثر ہو رہے ہیں جبکہ گھریلو صارفین کے ساتھ ساتھ کاروباری طبقہ بھی پریشان دکھائی دیتا ہے۔علی صابر بھٹی کا کہنا تھا کہ دیہی علاقوں کے مکینوں کا کہنا ہے کہ بجلی کی غیر اعلانیہ بندش کے باعث پانی کی فراہمی تعلیم اور چھوٹے کاروبار شدید متاثر ہو رہے ہیں۔جمشید جٹ نے کہا کہ کسانوں نے بھی شکایت کی ہے کہ بجلی نہ ہونے کی وجہ سے زرعی سرگرمیاں متاثر ہو رہی ہیں جس سے فصلوں کو نقصان پہنچنے کا خدشہ ھے۔قاری خواجہ صاحب نے کہا کہ شہریوں نے حکومت اور متعلقہ اداروں سے مطالبہ کیا ہے کہ لوڈشیڈنگ کے مسئلے کا مستقل حل نکالا جائے اور بجلی کی منصفانہ تقسیم کو یقینی بنایا جائے تاکہ عوام کو مزید مشکلات سے بچایا جا سکے اور انہیں خوشحال بنایا جا سکے۔