ٹھٹہ (بیروچیف: ایم اعجاز چانڈیو مہرانوی)
ٹھٹہ پولیس نے غیر قانونی گٹکا، مین پڑی اور مضر صحت اشیاء کی ترسیل و تقسیم کے خلاف بڑی کامیابی حاصل کرتے ہوئے بھاری مقدار میں گینگو میٹریل (گٹکا و مین پڑی) اور دیگر سامان قبضے میں لے لیا، جبکہ اس مکروہ دھندے میں ملوث 6 ملزمان کو گرفتار کر لیا گیا ہے۔
تفصیلات کے مطابق یہ کامیاب کارروائی ایس ایس پی حیدرآباد رانجھا راجو خان کی خصوصی ہدایات پر عمل میں لائی گئی۔ کارروائی کی قیادت ایس ایچ او انسپکٹر مبین پریہاڑ اور فاروق احمد بجارنی نے اپنی ٹیم کے ہمراہ کی۔ پولیس نے شہر میں احاطے میں چھاپہ مار کر غیر قانونی گٹکا و مین پڑی کی بڑی کھیپ برآمد کی۔
پولیس کے مطابق گرفتار ملزمان غیر قانونی طور پر گٹکا و مین پڑی فراہم کرنے اور فنڈز میں خوردبرد کے الزامات میں ملوث تھے۔ گرفتار ملزمان میں
بشیر ولد اللہ دتو،
منگنہر ولد بورو کلھی (سکنہ ٹنڈو پاگو، ضلع بدین)،
ممتاز علی ولد گل حسن دولو (سکنہ غلام اللہ ساکرو)،
حبیب اللہ ولد خطیب اللہ بنان (سکنہ ہجرت کالونی کراچی)،
صابر حسین ولد ذاکر حسین،
اور اسد ولد رحیم کنڈو (سکنہ فجر کالونی کراچی) شامل ہیں۔
چھاپے کے دوران پولیس نے کینا کے 65 بکس، 8 کلو کیٹکو مواد، مٹی کے تیل کے 50 تھیلے، پنی کے 10 تھیلے، راجہ جانی تمباکو کے 35 تھیلے، یو ڈی کے 6 تھیلے، نیم کے 2 تھیلے، رام پوری کا 1 تھیلا، مجموعی طور پر 1000 سے زائد تھیلے، 3 موبائل فونز اور 3 بیک اپ کیمرے قبضے میں لے لیے۔ پولیس کے مطابق کارروائی کے دوران ایک مشکوک خودکش بمبار سے متعلق شواہد بھی سامنے آئے ہیں جن کی مزید جانچ جاری ہے۔
پولیس نے تمام ملزمان کے خلاف کیٹکو ایکٹ کی دفعہ 10 کے تحت مقدمہ درج کر لیا ہے اور مزید تفتیش کا آغاز کر دیا گیا ہے۔ پولیس حکام کا کہنا ہے کہ ضلع میں مضر صحت اشیاء کی تیاری، ترسیل اور فروخت کے خلاف کارروائیاں مزید تیز کی جائیں گی اور کسی کو قانون سے بالاتر نہیں سمجھا جائے گا۔
شہریوں نے ٹھٹہ پولیس کی اس کامیاب کارروائی کو سراہتے ہوئے امید ظاہر کی ہے کہ اس طرح کی سخت کارروائیوں سے نوجوان نسل کو تباہی سے بچایا جا سکے گا۔
ٹھٹہ پولیس کی بڑی کامیابی، غیر قانونی گٹکا و مین پڑی مواد کی ترسیل ناکام، 6 ملزمان گرفتار
