شادیاں اور بربادیاں ؟

دنیابھرمیں طلاق کی شرح میں برابر اضافہ ہوتاجارہاہے اس کے لئے سوشل میڈیاکو بھی ذمہ دار قراردیاجاتاہے شوبزسے تعلق رکھنے والوں میں طلاق کی شرح سب سے زیادہ ہے یہی وجہ ہے کہ 2025ء کے دوران شوبز اور اسپورٹس کی دنیا کے کئی نامورخواتین و حضرات میں رشتوں کے اختتام کا سال ثابت ہوا، کچھ جوڑوں نے خاموشی سے راستے جدا کیے تو کچھ کی علیحدگیاں سرخیوں پر چھا گئیں۔ اب جبکہ2025ء اپنے اختتام کی جانب بڑھ رہا ہے، سال کے آخری ماہ میں کئی مشہور شخصیات نے رواں سال علیحدگی اختیار کرلی جن میں دھناشری ورما اور یوزویندر چہل بھی شامل ہیں کوریوگرافر دھناشری ورما اور بھارتی کرکٹر یوزویندر چہل کی علیحدگی سال کی سب سے زیادہ زیرِ بحث طلاقوں میں شامل رہی، طلاق کے بعد دھناشری ورما کو ملنے والے 4 کروڑ روپے اور مختلف افواہوں نے اس معاملے کو مسلسل خبروں میں رکھا۔ اس جوڑی نے 2020ء میں شادی کی تھی اور اِن کی طلاق مارچ 2025ء میں فائنل ہوئی جبکہ معروف اداکارہ سلینا جیٹلی اور ان کے شوہر پیٹر ہیگ میں علیحدگی ہوگئی اداکارہ سلینا جیٹلی نے چند روز قبل ممبئی کی ایک عدالت میں اپنے شوہر پیٹر ہیگ کے خلاف گھریلو تشدد کے الزام میں طلاق کی درخواست دائر کی تھی۔ پیٹر ہیگ پہلے ہی آسٹریا میں علیحدگی سے متعلق کارروائیاں شروع کر چکے تھے۔ دونوں 2010ء میں رشتۂ ازدواج میں منسلک ہوئے تھے اور اِن کے یہاں دو بار جڑواں بچوں کی پیدائش ہوئی اس کے باوجود15سالہ رفاقت ختم ہوگئی اسی طرح لولی وڈکی معروف اداکارہ جینیفر لوپیز اور بین ایفلیک کا گھربھی ٹوٹ گیا 2021ء میں ازدواجی زندگی کا آغاز کرنے والا ہالی ووڈ جوڑا ایک بار پھر الگ ہوگیا، دونوں نے 2024ء میں علیحدگی اختیار کی تھی اور فروری 2025ء میں اِن کے درمیان باضابطہ طور پر طلاق ہوگئی۔ ان کی شادی کو دوسرا موقع ملنے کی امید رکھنے والے مداح اس فیصلے سے خاصے مایوس ہوئے۔ نامور اداکارہ نکول کڈمین اور کیتھ اربن کے درمیان بھی ازدواجی تعلقات کا خاتمہ ہوگیا 19 سالہ شادی کے بعد نکول کڈمین نے 30 ستمبر کو امریکی شہر نیشویل میں طلاق کی درخواست دائر کی ان دونوں کے مابین طے شدہ معاہدے کے مطابق بیٹیوں کی سرپرستی میں نکول کو سال کے 306 دن ملیں گے جبکہ کیتھ کو 59 دن، دونوں 2006ء میں رشتہ ٔ ازدواج میں منسلک ہوئے تھے۔اسی سال ایک اور معروف جوڑا جوڈی ٹرنر اسمتھ اور جوشوا جیکسن بھی اپنی شادی برقرار نہ رکھ سکا ہالی ووڈ اداکار جوڈی نے 2019ء میں شادی کی تھی اور 2020ء میں اِن کے یہاں ایک بیٹی ہوئی تھی ان کی طلاق مئی 2025ء میں مکمل ہوئی تھی، عدالت میں مالی معاملات اور بچوں کی کفالت پر بحث ہونے کے بعد دونوں نے مشترکہ طور پر قانونی سرپرستی پر اتفاق کیا ہے۔ 2025ء میں شادی شدہ جوڑوں میں ہونے والے یہ علیحدگیاں یاد دلاتی ہیں کہ شہرت اور چمک دمک کے پیچھے بھی حقیقی زندگی کی مشکلات موجود ہوتی ہیں اور تعلقات کے امتحان سے کوئی بھی محفوظ نہیں ایک طرف تو دنیا کی مشہور و معروف شخصیات اپنی شادی قائم نہ رکھ سکے دوسری طرف کینیڈا کے شہری ونسٹن بلیک مور کی ایک یا دو نہیں بلکہ 24 بیویاں اور 149 بچے ہیں اتنی زیادہ شادیاں کرنے کی وجہ سے وجہ ہے کہ زیادہ بیویاں رکھنے پر عدالت نے انہیں گھر میں ہی 6 ماہ تک نظربندی کی سزا سنا دی۔ سپریم کورٹ آف برٹش کولمبیا نے ایک سے زائد بیویاں رکھنے کے جرم میں دو افراد کو گھر میں نظربند رہنے کی سزا سنائی ہے، جن میں کینیڈا کے ونسٹن بلیک مور اور جیمز اولڈر شامل ہیں۔ونسٹن بلیک مور کو 24 بیویاں رکھنے کی وجہ سے 6 ماہ تک جبکہ جیمز اولڈر کو 5 بیویاں رکھنے کے جرم میں 3 ماہ تک گھر میں نظر بند رہنے کی سزا سنائی گئی ہے۔سپریم کورٹ آف برٹش کولمبیا کے جسٹس شیری این ڈونگن کا کہنا تھا کہ جب یہ دونوں مرد سخت محنت کریں گے اور قانون کو مانیں گے، تب ہی ان کی رہائی ممکن ہوسکے گی۔دائیں جانب 5 بیویاں رکھنے والے جیمز اولڈر جب کہ بائیں جانب 24 بیویاں رکھنے والے بلیک مور کا کہنا تھا کہ ان میں سے کچھ بیویوں کی عمر شادی کے وقت 15 سال سے کم تھی، یہی وجہ ہے کہ ابتدائی سزا میں دونوں مردوں کی 12 ماہ تک نگرانی کرنے کا بھی حکم دیا گیا ہے۔جسٹس شیری این ڈونگن نے واضح طور پر بتایا کہ بلیک مور کا 24 شادیاں کرنے کا فیصلہ ذاتی تھا، یہ اقدام ان کے عقائد سے تعلق نہیں رکھتا جب کہ اولڈر کے مذہبی عقائد کے مطابق ایسا ماضی میں ہوا کرتا تھا۔گھر میں نظربندی کے دوران مذکورہ افراد صرف کام کے لیے باہر جا سکتے ہیں یا پھر کسی طبی ایمرجنسی کے لیے باہر نکل سکتے ہیں۔علاوہ ازیں سزا کے دوران بلیک مور کو 150 گھنٹے اور اولڈر کو 75 گھنٹے کمیونٹی کے لیے بھی خدمات انجام دینا ہوں گی۔